Ativâ une gnove utence

Par ativâ la furnidure si à di compilâ il modul disponibil sul nestri sît cun in zonte la documentazion domandade e presentâlu a Irisacqua in chescj mûts:

  • tal orari di viertidure al public dai sportei Irisacqua
  • mediant pueste eletroniche al recapit info@irisacqua.it
  • mediant fax al numar 0481 593 410
  • mediant servizi postâl al recapit di vie IX Agosto n. 15 – 34170 Gurize

La procedure e sarà compagne sedi tal câs di une gnove utence sedi tal câs di une subjentrade/volture.
La stipule dal contrat di soministrazion e je subordenade al paiament anticipât des spesis di ativazion dal servizi su la fonde de struture tarifarie.

Dentri di cinc dîs de stipule dal contrat il personâl di Irisacqua al proviodarà a ativâ i contadôrs.
Pes informazions completis si à di cjalâ il Regolament Acuedot e il Regolament pal dipuesit de cauzion.