Il rapuart cu la coletivitât

La leç regjonâl 13/05 e previôt che la Autoritât di Ambit e puedi istituî un font finalizât al finanziament di progjets di cooperazion internazionâl che a ledin daûr di modei sostignibii di gjestion de aghe tai Paîs carents di aghe potabile.

L’AATO e à duncje decidût di costituî chest font metint di bande di ogni bolete l’1%.

Tra i progjets che la Autoritât e à vût aderît in chescj agns o viodìn:
– Progjet Burkina Faso: al previôt la realizazion di poçs cun torate autoclâf tes provinciis dal Houet e dal Yatenga in stât di sigurâ aghe potabile a plui di 10.000 personis.
– Progjet Burkina Faso: progjet trienâl cul fin di contrastâ la desertificazion tai teritoris dal Sahel;
– Progjet Lamponi di Pace (Frambuis di Pâs): il progjet al à il fin di promovi la convivence multietniche in Bosgne Erzegovine mediant la riativazion de economie rurâl su fonde sostignibile, proviodint rêts idrichis di piçulis dimensions buinis par judâ la culture dai frambuis.
– Progjet Libano: un progjet finalizât a miorâ la cualitât dal flum Assi, che si cjate a nord dal Libano, mediant la realizazion di implants di fitodepurazion e cuntune campagne di sensibilizazion sul rispiet de aghe dal propri teritori;
– Progjet di irigazion de zone rurâl di Avellaneda in Argjentine: l’obietîf al è chel di garantî l’irigazion di plui o mancul 490 etars di teren agricul; il progjet al previôt ancje une analisi di replicabilitât dal intervent in altris areis rurâls dal distret, di disvilupâ cun risorsis autonomis e partners locâi;
– Progjet Bobo Dioulasso in Burkina Faso: il progjet al previôt la costruzion di un poç artesian par garantî aghe potabile par dut l’an par cure dal siôr Compaorè che al metarà a disposizion la aghe gjavade fûr a dute la popolazion dulintor.
Tra chei altris progjets che a viodin la partecipazion ative di Irisacqua a son:
– Progjet Gotrawama: al nas di un finanziament leât al program di cooperazion transfrontaliere Italie – Slovenie. L’ obietîf al è che di definî,mediant di un studi trienâl, lis liniis vuide condividudis par une corete gjestion des aghis transfrontalieris tra Gurize (IT) e Nova Gorica (SLO).
– Progjet People versus Border: chest progjet, finanziât de Regjon pe cooperazion internazionâl e coordenât de Associazion Kallipolis di Triest, al à tant che partner, in plui de Provincie di Gurize, lis rapresentancis dal Cjanton di Sarajevo e des sôs Municipalitâts.
Il fin ultin al è chel di fâ un studi par une ricualificazion urbane e ambientâl dal flum Dobrinjia che al travierse l’abitât di Sarajevo.
Il compit di Irisacqua al è chel di poiâ l’organizazion e i partners locâi par sielzi un progjet pilote cun finalitât simboliche pe soluzion dai problemis ambientâi e di incuinament de Dobrinjia.