Aziende

Cu la leç n. 36 dai 5 di Zenâr dal 1994 “Legge Galli” il legjislatôr al à fat jentrâ il concet di Servizi Idric Integrât (SII), riorganizât su la fonde di Ambits Teritoriâi Otimâi (ATO).
Ognidun dai ATO al è controlât di une Autoritât di Ambit (cumò clamade, pal Friûl Vignesie Julie, Consulte di Ambit cemût che al è fissât cun L.R. 142/2010 daûr de abolizion des AATO) che e à il compit di scrivi il Plan di Ambit (l’insiemi dai intervents che a coventin par miorâ il servizi e garantî nivei di cualitât prefissâts) e di individuâ il sogjet par afidâi la gjestion dal servizi e la realizazion dal Plan.

La riforme e je stade metude in vore te nestre Regjon cu la leç regjonâl n.13 dal 2005 che e à definît cuatri Ambits sul teritori, che tra di lôr al è l’ATO Orientâl Gurizan formât di 25 Comuns de Provincie di Gurize.

Irisacqua srl e je stade fondade ai 29 di Dicembar dal 2005 cul fin di meti in vore la riforme dal setôr idric introdusude cu la “Legge Galli”.
E je une societât cun capitâl dal dut public nassude de division parziâl e no proporzionâl de Iris spa; i siei socis a son i 25 Comuns de Provincie di Gurize che, al moment de costituzion de Societât, i àn dât in concession a titul gratuit dutis lis rêts e ducj i implants leâts al servizi idric fasintle deventâ duncje la afidatarie de gjestion dal SII in vie direte come societât “in house”.

L’afidament in house al à trente agns di durade e al è dissiplinât di un contrat di servizi specific clamât “Convenzion-contrat” sotscrit tal Setembar dal 2006.