Disdetâ une utence

Il client che al cambie domicili o che al mude la sede de aziende al à di comunicâlu daurman a Irisacqua domandant la disdete dal contrat di soministrazion. In mancjance di cheste comunicazion, al reste responsabil in solit viers Irisacqua Srl pal paiament di ce che i subjentrants a podaressin consumâ e ancje di cualsisedi altri dam patît.

La disdete e à di jessi fate doprant il modul, disponibil in linie e là dai nestris sportei, e si pues presentâle a Irisacqua

• tal orari di viertidure al public dai sportei Irisacqua
• mediant pueste eletroniche al recapit info@irisacqua.it
• mediant fax al numar 0481 593 410
• mediant servizi postâl al recapit di vie IX Agosto n. 15 – 34170 Gurize

L’operazion no à nissun cost e e ven fate dentri di 6 dîs de presentazion dal modul.
Tal câs che il gjestôr nol sedi metût in stât di operâ la disativazion par cause di ubicazion dal contadôr dentri de proprietât privade e/o in ducj i câs di posizion no acessibil o cun acessibilitât condizionade, la disdete e je di intindisi anulade a ducj i efiets di leç lassant l’utent titolâr de utence.
Daspò de disdete al client i rivarà une bolete finâl cui consums faturâts, altris adebits (o acredits) restâts e il rimbors des eventuâls cauzions (comprendûts i interès madurats).