Cjarte dal servizi

La Cjarte dal Servizi e fisse i principis e i criteris par furnî il servizi; e je duncje un element integratîf dal contrat di furnidure e e sotlinie la atenzion aes dibisugnis de utence.

Ogni an Irisacqua e fâs un control su la cualitât dal servizi ufiert ai utents mediant di un sisteme di monitorament là che a vegnin scandaiadis e confrontadis lis prestazions dadis fûr cui criteris fissâts de Cjarte dal servizi e i reclams dai utents cu la gjestion e classificazion dai stes.

Su la fonde des informazions ricueltis, ai 31 di Març di ogni an e je publicade la Relazion su la Cjarte dal Servizi dulà che a vegnin pandûts i nivei di osservance dai riferiments che si à otignût tal cors dal an, segnant lis eventuâls resons di inosservancis, e lis azions par miorâ ce che si à fat.

Irisacqua e fâs periodichementri ancje un scandai demoscopic mediant la soministrazion di un cuistionari a un grup di utents cun chê di verificâ la percezion dal servizi e i eventuâi scostaments rispiet aes lôr spietis.
Il fin dal cuistionari al è chel di dâ une mape strategjiche dai ponts di fuarce e di debolece dal servizi ufiert e ancje une indicazion puntuâl su chês che a son lis spietis de clientele par un miorament dai riferiments cualitatîfs.