Prevenzion e control (231)

Tal mês di Fevrâr dal 2010, Irisacqua e à fat bon il Model Organizatîf di Gjestion (MOG 231) che al cjape dentri protocoi di control, plan di formazion e Codiç Etic e e à inviât l’Organisim di Vigjilance, un strument di control cun chê di implementâ il Model D.L 231/01 e prevignî che i reâts che i son dentri a sedin cometûts.

Il MOG 231 al è simpri monitorât e inzornât in funzion sedi des modifichis normativis, sedi dai inzornaments dal organigram aziendâl.

Une mansion primarie e je davuelte dal Organisim di Vigjilance, o ben al è responsabil de metude in vore dal Codiç Etic dentri di Irisacqua e de verifiche de veretât di testemoneancis des violazions segnaladis dai dipendents e ancje de aplicazion des disposizions che a rivuardin lis sanzions. L’Organisim al è componût di tre membri Fulvio Lorenzon, Andrea L. Pedeferri, Mauro Verdimonti.

Stant che par societâts compagnis de nestre no si è obleâts a indotâ un model dal gjenar, chest al rapresente un fuart segnâl in direzion di trasparence e sens di responsabilitât sedi tai rapuarts internis, sedi in chei cul mont esterni.