Faturis

La faturazion, dividude par zonis dentri de Provincie, e à cadence semestrâl, gjavadis fûr lis utencis cun consums superiôrs ai 3.000 mc/an, che no presentin stagjonalitât di prelêfs, là che invezit l’emission e je bimestrâl, alternant duncje dôs faturis in acont a une a salt.
Lis faturis di acont a vegnin fatis su la fonde dai consums stimâts, calcolâts considerant i consums dai ultins doi agns par ognidune des utencis, se disponibilis.
Pai gnûfs contrats di soministrazion il calcul si lu fâs invezit viodint i consums medis de tipologjie contratuâl di partignince, daûr di nivei fissâts.
Lis faturis a salt a vegnin fatis daûr de leture efetive dal contadôr, sui consums rilevâts par diference de leture efetive precedente. Lis leturis a son fatis de bande di personâl incjariât di Irisacqua o, in alternative, dal utent mediant di autoleture.
Aes utencis Divisionâl e Totalizadôr, che nol è stât pussibil rilevâ la leture dal contadôr e in mancjance di autoleture dal utent, e ven regjistrade une leture aprossimade su la fonde dai consums storics de utence e la bolete e ven mandade cun modalitât a salt. Cheste cundizion e je necessarie par vie che i consums des utencis divisionâls a àn di jessi gjavadis dal consum de utence totalizadôr che si riferissin.